Tehranda terror hücumlarında ölənlərin sayı 13 nəfərə çatıb
Tehranda baş verən terror hücumlarında ölənlərin sayı 13 nəfərə çatıb, 43 nəfər yaralanıb.
"Ölkə.Az" xəbər verir ki, bu barədə İranın Milli Təhlükəsizlik Şurasının sədri Reza Seyfullah bildirib. Onun sözlərinə görə, yaralılrdan biri də xəstəxanada ölüb.
Bundan başqa, Reza Seyfullah qeyd edib ki, terror aktlarını həyata keçirənlər İran əsilli olublar.
"Terrorçuların şəxsiyyətinə gəlincə, onu qeyd etməliyəm ki, onlar İran vətəndaşları olublar və İŞİD terror qruplaşmasına qoşulublar" – deyə İranın Milli Təhlükəsizlik Şurasının sədri Reza Seyfullah bildirib.
Qeyd edək ki, iyunun 7-də İran parlamentinə və Xomeyninin türbəsinə silahlı hücum nəticəsində 12 nəfər ölüb, 40-dan çox insan yaralanıb. İŞİD terror qruplaşması edilən hücuma görə məsuliyyəti öz boynuna götürüb.
Ziya Səccad
Ölkə.Az
