Azərbaycanda iki ev yandı
Bu gecə Azərbaycanda 2 evdə yanğın olub.
Ölkə.Az FHN-in saytına istinadən xəbər verir ki, ilk yanğın hadisəsi Abşeron rayonunun Saray qəsəbəsində qeydə alınıb.
Belə ki, vətəndaşa məxsus ümumi sahəsi 350 kv.m olan ikimərtəbəli 8 otaqlı evin birinci mərtəbəsində 1 otaq və əşyaları 20 kv.m sahədə qismən yanıb.
İkinci yanğın isə Şirvan şəhərində baş verib. Burada vətəndaşa məxsus ümumi sahəsi 100 kv.m olan birmərtəbəli 3 otaqlı evin dam örtüyünün yanar konstruksiyaları 40 kv.m sahədə yanıb.
Hər iki yanğın yanğınsöndürənlər tərəfindən söndürülüb.
Ölkə.Az
