2 kq civəni 10 min dollara satmaq istədi

Respublikanın daxili işlər orqanları cinayətkarlıqla mübarizə sahəsində növbəti uğurlu əməliyyat tədbiri həyata keçirib.

Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinə Ağsu rayon sakini Abbas İbrahimovun Bakı şəhərində 2 kiloqram civəni on min ABŞ dollarına satmaq istəməsi barədə əməliyyat məlumatı daxil olub.

Keçirilən təxirəsalınmaz tədbirlərlə həmin şəxs polis əməkdaşları tərəfindən saxlanılıb və ondan qeyd edilən miqdarda civə aşkar edilərək götürülüb.

Faktla bağlı Baş İdarənin İstintaq Şöbəsində cinayət işi başlanıb, zəruri istintaq hərəkətləri və əməliyyat-axtarış tədbirləri davam etdirilir. (Region TV)

Ölkə.Az