İlham İsmayıl saxlanılıb

Ekspert İlham İsmayıl saxlanılıb.

Ölkə.az APA-ya istinadən xəbər verir ki, o, dələduzluqda ittiham olunur.

Onun polis tərəfindən saxlanıldığı bildirilir.

Hələlik barəsində qətimkan tədbiri yoxdur.

İlkin məlumata görə, o, xaricdə yaşayan oğlu ilə əlbir olaraq vətəndaşa qarşı dələduzluq əməlində ittiham olunur.

Faktla bağlı Cinayət Məcəlləsinin 178 ci (dələduzluq) maddəsi ilə cinayət işi başlanılıb.

Xatırladaq ki, İlham İsmayılln oğlu Cavidan İsmayılzadə barəsində Azərbaycanda 2016-cı ildə cinayət işi başlanıb. O, Cinayət Məcəlləsinin 178.3.2-ci (külli miqdarda dələduzluq etmə) maddəsi ilə ittiham olunub. O zaman onun 970 min avro pulu mənimsədiyi iddia edilib. Həmin ərəfədə o, Almaniyada yaşadığı üçün İnterpol axtarışına verilib.

2023-cü ildə isə C. İsmayılzadə İnterpol xətti ilə Çexiyada tutulub. Bir müddət sonra sərbəst buraxılıb.

"Unikal" yazır ki, İlham İsmayıl oğlu Cavidan İsmayılzadə vasitəsilə zərərçəkmiş Emin Məmmədzadəyə Almaniyadan avtomobil gətirəcəyinə dair vəd verib. Vəd edilən avtomobil 2018-ci il istehsalı və dəyəri 54 min ABŞ dolları olan "Range Rover" imiş.

İ.İsmayıl E.Məmmədzadədən ilkin olaraq 20 min ABŞ dolları (34 min manat) alıb. Bir müddət sonra maşının ölkəyə gətirilmədiyini görən E.Məmmədzadə məsələ ilə bağlı polisə şikayət edib.