FHN Qusarın Laza kəndindəki vəziyyətlə bağlı məlumat yaydı
Qusar rayonunun Laza kəndində hadisə baş verdiyi ilk gündən Fövqəladə Hallar Nazirliyinin aidiyyəti qurumlarının nümayəndələri əraziyə cəlb olunub.
FHN-in Mətbuat xidmətindən Ölkə.Az-a verilən məlumata görə, nazirliyin əməkdaşları tərəfindən aidiyyəti dövlət qurumları ilə koordinasiyalı şəkildə ərazidə müvafiq tədbirlər həyata keçirilir.
Vəziyyət nəzarət altındadır.
Qeyd edək ki, Qusar rayonunun Laza kəndinə sel gəlib. Kənddəki eyniadlı şəlalə istiqamətindən Qusarçayın başlanğıc nöqtəsi və kəndə doğru güclü sel gəlib.
Nəticədə kənd ərazisindəki körpü uçub, yolları lil-palçıq qatı örtüb.
