"Əməkdar müəllim" VƏFAT ETDİ
Naxçıvanın "Əməkdar müəllim"i, sənətşünaslıq üzrə fəlsəfə doktoru, dosent
Zəminə Nəcəfova vəfat edib.
Bu barədə Ölkə.az-a onun yaxınları məlumat verib.
Z.Nəcəfova 57 yaşında dünyasını dəyişib.
O, Naxçıvan Dövlət Universitetində çalışırdı.
Qeyd edək ki, Nəcəfova Zəminə Məhərrəm qızı 1969-cu ildə Naxçıvan şəhərində anadan olub. 1988-ci ildə Naxçıvan Orta İxtisas musiqi məktəbini kamança ixtisası üzrə “Fərqlənmə” diplomu ilə bitirib. Elə həmin ildə Azərbaycan Dövlət Konservatoriyasına daxil olmuş və 1993 - cü ildə buranı “İfaçılıq” fakultəsinin Xalq Çalğı Alətləri- kamança ixtisası üzrə bitirmişdir.Pedaqoji fəaliyyətə 1986- cı ildə başlayan Z. Nəcəfova 1991-2017-ci illərdə Naxçıvan Musiqi Kollecində kamança müəllimi kimi fəaliyyət göstərmişdir . 2001 - ci ildən Naxçıvan Dövlət Universitetində əvvəl müəllim, 2008- ci ildən baş müəllim, 2012-ci ildən isə dosent vəzifəsində çalışır. 2009 – cu ildə Bakı Musiqi Akademiyası nəzdində fəaliyyət göstərən Müdafiə Şurasında “Azərbaycan bəstəkarları yaradıcılığında xalq çalğı alətləri orkestri üçün süita janrının təfsiri” mövzusunda namizədlik dissertasiyası müdafiə etmiş və “sənətşünaslıq üzrə fəlsəfə doktoru” elmi dərəcəsini almışdır. 2013- cü ildə Azərbaycan Respublikasının Prezidenti Yanında Ali Attestasiya Komissiyasının 09 iyul 2013 –cü il tarixli qərarı ilə Xalq Çalğı Alətləri kafedrası üzrə Dosent elmi adı almışdır. 2015- ci ildə Naxçıvan Muxtar Pespublikasının “Əməkdar müəllimi” fəxri adı ilə təltif olunub.
