Azərbaycan çempionu öldürüldü
Fevralın 20-də axşam saatlarında Gəncənin Əttarlar küçəsində, “Kəpəz” mehmanxanasının qarşısında odlu silahdan qətl törədilib.
Ölkə.Az APA-ya istinadən xəbər verir ki, 1984-cü il təvəllüdlü Elmir Cəlilov xəstəxanaya çatdırılsa da, onun həyatını xilas etmək mümkün olmayıb.
Meyit Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə aparılıb.
Faktla bağlı hüquq mühafizə orqanlarının əməkdaşları araşdırma aparırlar.
***
Azərbaycanda gənc idmançı dünyasını dəyişib.
Ölkə.Az musavat.com-a istinadən xəbər verir ki, kikboks üzrə ikiqat Azərbaycan çempionu Elmir Cəlilov vəfat edib.
Bu barədə deputat, Azərbaycan Kikboksing Federasiyasının prezidenti Adil Əliyev Facebook-da yazıb. O, gənc idmançının ölümünün səbəbini açıqlamayıb.
Azərbaycan Kikboksinq Federasiyası mərhum idmançının ailəsinə başsağlığı verib.
Sayt yazır ki, idmançı qətlə yetirilib. Hadisə Gəncədə baş verib. Şəhərin Əttarlar küçəsində, "Kəpəz" mehmanxanasının qarşısında Elmir Cəlilov öz avtomobilində güllələnib.
