Kafedən oğurluq anbaan kameraya düşdü
Obyektdə daha öncə yanğın hadisəsi də qeydə alınıb. Bu isə başqa mətləblərin var ola biləcəyinə dair şübhə yaradıb.
Abşeronun Masazır qəsəbəsində Zəngilan rayonundan olan məcburi koçkünlərinin məskunlaşdığı şəhərcikdə Zakir Bayramova məxsus kafedə oğurluq hadisəsi törədilib. Oğrular kafeyə gecə saatlarında dəmir qapını qıraraq daxil olublar. Buna, obyektə quraşdırılan təhlükəsizlik kameralarının görüntüləri əsas verir.
Zakir Bayramovun sozlərinə görə, bu ilin aprel ayının 12-də kafe qəsdən yandırılıb. Bu zaman da ona külli miqdarda maddi ziyan dəyib. Bu dəfə də oğurluğun baş verməsinin təsadüf olub-olmadığı sual doğurur.
Faktla bağlı Abseron Rayon Polis İdarəsində cinayət işi başlanıb, araşdırma aparılır. (Region TV)
