Hərbi həkimlər müharibədə gördüklərindən danışdı: "Ürəyi əlimizə alıb masaj etdik..."

Hərbi həkimlər müharibədə gördüklərindən danışdı: "Ürəyi əlimizə alıb masaj etdik..." - FOTO

“Açıq ürək masajına qədər getmişik. Yəni döş qəfəsini açıb ürəyi ovucların arasına alıb əlində masaj edirsən”.

Ölkə.Az xəbər verir ki, bunu tibb xidməti polkovniki Elçin Abdullayev “Görünməyən qəhrəmanlar. Hərbi həkimlər” adlı sənədli filmdə deyib. O bildirib ki, həmin xəstə sonradan aparılan bu intensiv tədbirlər sayəsində həyata qayıdıb.

318873

Vətən müharibəsi zamanı aparılan tibbi müdaxilələrdən danışan tibb xidməti polkovnik-leytenantı Səxavət Hüseynov isə bildirib ki, eyni vaxtda 3 briqada ilə işlədiyi vaxtlar olub:

“Neyrocərrah başındakı yaralara işləyib, biz qarın boşluğu, döş boşluğundakı yaralara baxmışıq, travmatoloqlarımız da ətraflardakı yaralarla məşğul olub. Belə xəstələrimiz kifayət qədər olub”,- deyə o söyləyib.

318874

Tibb xidməti polkovnik-leytenantı İslam Məmmədov ağır yaralılardan biri üzərində aparılan 6 saatlıq əməliyyatdan danışıb:

318879
“Dalaq, mədə, bağırsaq, qaraciyəri zədələnmişdi. Böyük həcmdə yaraları vardı. Üzərində təqribən 6 saatlıq əməliyyat getdi. Helikopterlə təxliyyələrimiz oldu və əməliyyatdan çıxandan 1 saat sonra biz o xəstəni təxliyyə etdik” – o bildirib.