Azərbaycanın yeni generalları – Zakir Həsənov onlarla görüşdü
Bu barədə Ölkə.az-a Müdafiə Nazirliyinin Mətbuat xidmətindən məlumat verilib.
Tədbirdə Azərbaycan Respublikası Müdafiə Nazirliyinin hərbi qulluqçularına general-mayor ali hərbi rütbəsinin verilməsi haqqında Azərbaycan Respublikası Prezidentinin 25 iyun 2026-cı il tarixli Sərəncamı və müdafiə nazirinin müvafiq əmri oxunduqdan sonra zabitlərə ali hərbi rütbələr təqdim edilib.
Ali Baş Komandanın təbriklərini hərbi qulluqçulara çatdıran general-polkovnik Z.Həsənov onlara gələcək xidmətlərində uğurlar arzulayıb, tapşırıq və tövsiyələrini çatdırıb.
Təltif olunan zabitlər isə öz növbələrində göstərilən etimada görə Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevə və Müdafiə Nazirliyinin rəhbərliyinə minnətdarlıqlarını bildiriblər, bu etimadı doğruldacaqlarına əminliklərini ifadə ediblər.
Qeyd edək ki, Prezident İlham Əliyevin iyunun 25-də imzaladığı sərəncama əsasən polkovniklər Rəsul Rasim oğlu Əliyevə, Elçin Rəhim oğlu Abdullayevə, Azər Əfrayıl oğlu Heybətliyə, Gülməmməd Tofiq oğlu Rzayevə, Ruslan Dünyaməddin oğlu Ağasiyevə general-mayor ali hərbi rütbəsi verilib.
