Naxçıvanda futbol oynayan hərbçi qəfildən öldü - FOTO
Naxçıvan Muxtar Respublikasında hərbçi vəfat edib.
Ölkə.az ANZ.az-a istinadən xəbər verir ki, ilkin məlumata görə, hərbi qulluqçu Abdullayev Afiyəddin Arif oğlu axşam saatlarında futbol oynayarkən halı qəfil pisləşib.
O, əvvəlcə Kəngərli Rayon Mərkəzi Xəstəxanasına çatdırılıb, daha sonra vəziyyəti ağır olduğundan Naxçıvan şəhərindəki xəstəxanaya köçürülüb.
Həkimlərin bütün səylərinə baxmayaraq, hərbçinin həyatını xilas etmək mümkün olmayıb.
Hadisənin dəqiq səbəbi ilə bağlı araşdırma aparılır.
