Onunla qucaqlaşdığına görə üzr istədi - FOTO

“Marsel”in ukraynalı futbolçusu Ruslan Malinovski “Monako”nun rusiyalı oyunçusu Aleksandr Qolovinlə qucaqlaşdığına görə üzr istəyib.

“Ölkə.az” xəbər verir ki, o, sosial şəbəkədə bu barədə yazıb:

“Qolovinlə qucaqlaşdığım üçün hər kəsdən üzr istəyirəm. Bunu etməməli idim. Lakin ani vaxtda onun jestinə qarşılıq verdim. İndiki vəziyyətdə heç bir şəkildə rusiyalı idmançılarla qarşılaşmaq istəmirəm. Rusların beynəxalq yarışlardan kənarlaşdırılmasını dəstəkləyirəm”. 

Qeyd edək ki, Aleksandr Qolovinlə Ruslan Malinovski Fransa çempionatının 20-ci turunda keçirilən “Marsel” – “Monako” (1:1) oyunundan sonra qucaqlaşmışdı və bu görüntü sosial şəbəkələrdə etiraza səbəb olmuşdu. //Qafqazinfo