Azərbaycan idmançıları qızıl medallar qazanıblar - YENİLƏNİB
"Ölkə.Az"ın məlumatına görə, idmançı finalda Rusiya təmsilçisi Artem Karisovla üz-üzə gəlib.
Rəqibinə qalib gələn Rəhimov fəxri kürsünün ən yüksək pilləsinə qalxıb.
***
Azərbaycanın daha bir samboçusu III MDB Oyunlarında medal qazanıb.
Bu dəfə Rüstəm Qasımzadə (58 kq) gümüş mükafatla kifayətlənib.
O, finalda Rusiya təmsilçisi İsmail Maxozevə məğlub olub.
***
Bu gün Mingəçevir şəhərində yerləşən "Kür" Olimpiya Tədris-İdman Mərkəzində III MDB Oyunları çərçivəsində taekvondo yarışlarına start verilib.
Ölkə.Az xəbər verir ki, ilk gündə 7 çəki dərəcələrində yarışlar keçirilib: kişilərdə 54 kq, 63 kq, 74 kq və 87 kq, qadınlarda isə 46 kq, 53 kq və 62 kq.
Azərbaycan təmsilçiləri Ziya Həsənli (63 kq), Humay Dadaşova (46 kq) və Məryəm Məmmədova (53 kq) finalda qalib gələrək, III MDB Oyunlarının qızıl medalını qazanıblar.
Elcan Əliyev (74 kq) və Ümid Rəhimzadə (54 kq) finalda məğlub olaraq, gümüş medala yiyələniblər.
Eyni zamanda, altı taekvondoçu bürünc medalın sahibi olublar – kişilərdə Tamerlan Yaqubov (54 kq), Allahverdi Məmmədov və Zeynal Əliyev (hər ikisi – 87 kq), qadınlarda isə Səlimə Quliyeva (46 kq), Nilufər Borci (53 kq) və Nərgiz Kazımova (62 kq).
***
Azərbaycanı III MDB Oyunlarında təmsil edən samboçu Abdullətif Musayev (53 kq) finalda özbəkistanlı Gamzat Maksetbayevi məğlub edərək qızıl medal qazanıb.
Ölkə.Az xəbər verir ki, taekvondoçu Ziya Həsənli (63 kq) Mingəçevirdəki "Kür" Olimpiya Tədris-İdman Mərkəzində keçirilən taekvondo turnirinin finalında Rusiya təmsilçisi Yeqor Lakinyı məğlub edərək ölkəmizə ikinci qızıl medalı qazandırıb.
***
III MDB Oyunlarında 3 təmsilçimiz medal qazanıb.
Ölkə.Az xəbər verir ki, Azərbaycan üzgüçüsü Oktay Hüseynov 200 metr məsafəyə "butterfly" üsulu ilə üzmədə uğurlu çıxış edərək gümüş mükafata yiyələnib.
Həmçinin üzgüçülər Mehri Əbdürəhmanlı gümüş, Anastassiya Gnussina isə bürünc mükafat əldə ediblər.
***
Azərbaycanın daha bir atıcısı Mürtəza Novruzlu III MDB Oyunlarında gümüş medal qazanıb.
İdmançı stend atıcılığında ikinci olub.
Özbəkistanlı Azamat Kayumov qızıl medal sahibi olub. Rusiyalı Kiril Baqrov üçüncü yeri tutub.
Qeyd edək ki, III MDB Oyunlarında atıcılıq yarışlarına oktyabrın 1-də yekun vurulacaq.
16:35
Azərbaycan atıcısı Nərmin Cəfərova III MDB Oyunlarında gümüş medal qazanıb.
İdmançı stend atıcılığında ikinci olub.
İlk pilləni Rusiya idmançısı Alina Axatova tutub.
Qeyd edək ki, III MDB Oyunlarında atıcılıq yarışlarına oktyabrın 1-də yekun vurulacaq.
