Qurban Qurbanovdan Mourinyoya cavabı

Ölkə.Az xəbər verir ki, "Kopenhagen"lə matçdan sonra mətbuat konfransında ondan "Benfika"nın çalışdırıcısının "Problem "Çelsi"yə uduzmaq yox, "Qarabağ"a uduzmaqdır" mövqeyi ilə bağlı sual ünvanlanıb. Jurnalist Q.Qurbanova "Ona cavab vermək istəyərdinizmi?" söyləyib.

"Qarabağ"ın baş məşqçisi isə özünəməxsus şəkildə münasibət bildirib: "Yox. Mourinyoya nə sual, nə də cavab verə bilərəm. Çünki o, Mourinyodur, dahi məşqçilərdən biridir".

Digər jurnalistin isə sualına Qurbanovun reaksiyası təbəssümə səbəb olub. Media nümayəndəsinin söyləyib: "Bu gün biz deja-vü yaşadıq. 2017-ci ildə "Kopenhagen"lə elə bu stadionda olan oyunda birinci hissədə qapı dirəyindən qayıdan topu Mahir zərbə endirərək qol vurmuşdu. İndi isə Zubir qol vurdu. Bu barədə fikirlərinizi öyrənmək istəyirdim".

Baş məşqçinin cavabı belə olub: "Mən deja-vü yaşamadım. Düzünü desəm, ağlıma gəlmədi. Oxşar idi, eybi yox, təki belə oxşarlıqlarımız, qalibiyyətlərimiz olsun".