Mourinyonun ilk TRANSFERİ: çepion müdafiəçi ilə müqavilə imzalandı
“Real Madrid” iyun ayında Joze Mourinyonu baş məşqçi təyin etdikdən sonra heyətini yeni futbolçu ilə gücləndirib.
Ölkə.az xəbər verir ki, "kral klubu" “Çelsi”nin müdafiəçisi Mark Kukurella ilə müqavilə imzalayıb.
Bu barədə Madrid təmsilçisinin rəsmi saytında məlumat verilib.
27 yaşlı ispaniyalı futbolçu "Real"la 6 illik müqavilə bağlayıb. Razılaşmaya əsasən, Kukurella 2032-ci il iyunun 30-dək Madrid klubunun formasını geyinəcək.
Transferin dəyəri 55 milyon avro təşkil edib. Bundan əlavə, "Çelsi" bonuslar şəklində daha 5 milyon avro qazana bilər.
Mark Kukurella ötən mövsüm "Çelsi"nin heyətində bütün turnirlər daxil olmaqla 50 oyunda meydana çıxıb. O, bu qarşılaşmalarda 1 qol vurub və 4 məhsuldar ötürmə ilə yadda qalıb.
Müdafiəçi İspaniya millisinin heyətində 23 oyuna çıxıb və 1 qol vurub. O, 2024-cü ildə İspaniya millisi ilə Avropa çempionu adını qazanıb.
Hazırda Kukurella 2026-cı il dünya çempionatı üçün İspaniya millisinin düşərgəsindədir. İspanlar turnirdə ilk oyunlarını iyunun 15-də Kabo-Verde yığmasına qarşı keçirəcəklər. Qarşılaşma Bakı vaxtı ilə saat 22:00-da başlayacaq.(lent.az)
