Vaqif Sadıqov: "Qurban Qurbanov necə oynamalı olduğunu yaxşı bilir"

Ağdamın "Qarabağ" klubunun Avro Liqadakı uğurlu çıxışına və bunun Azərbaycan futboluna necə təsir edəcəyinə milli komandamızın keçmiş baş məşqçisi Vaqif Sadıqov Ölkə.az-a dəyərləndirib

Vaqif Sadıqov: "Qurban Qurbanov bizdən qat-qat yaxşı bilir ki, axşamkı oyunda necə oynamalıdır. Əminəm ki, Qurban Qurbanov "Qarabağ"ı yüksək səviyyədə oyuna hazırlayıb. Ən vacibi odur ki, "Qarabağ" bu gün Azərbaycan futbolu tarixində yeni səyfə açmaq üçün meydana çıxır. Məncə bu təkcə bizim yox xalqımızın arzusu, istəyidir. İnanıram ki, futbolçularda bunu dərk edir. Bu gün "Qarabağ"a dəstək olan, stadiona gedən və gedə bilməyən hər kəs, bu gün tarix yazan bir "Qarabağ" görəcəklər. İnanram ki, biz bu gün mütləq sevinən tərəf olacağıq. "Qarabağ" qələbə qazanmaqla qrupdan çıxmaq şansını daha da çoxaldacaq. Ötən il "Neftçi"nin, bu il isə "Qarabağ"ın Avro Liqada çıxış etməsi Azərbaycan futbolunun inkişafına böyük təkan verəcək. Bu gün "Qarabağ"ın heyyətində çox səviyyəli legionerlər çıxış edir. Onların da əməyin qeyd etməliyik. "Qarabağ"ın bu uğurlarından sonra Azərbaycan çempionatına daha səviyyəli legionerlər gətirmk olar".

Səxavət Məmməd
Ölkə.Az