SİF Qarabağla bağlı planlarını açıqladı

Cari ildə işğaldan azad olunmuş ərazilərdə sahibkarlıq fəaliyyəti üçün 500 mln manat kredit portfeli üzrə 450 mln manatadək dövlət zəmanəti veriləcək.

"Ölkə.Az" xəbər verir ki, bunu Sahibkarlığın İnkişafı Fondunun (SİF) İdarə Heyətinin sədri Osman Xaliyev deyib. O bildirib ki, subsidiyanın məbləği 150 mln manat olacaq və ən çox 3 ili əhatə edəcək.

"Kreditin məbləği 5 mln manatadək, zəmanətin kreditə nisbəti 90% olacaq. 7 ilədək nəzərdə tutulan kreditin faiz dərəcəsi 15%-dək olacaq. Subsidiya faizi 10%-ə qədər təşkil edəcək",- deyə O. Xaliyev əlavə edib.

Könül
Ölkə.Az