Ekspert: "Neftin qiyməti 10 dollara qədər düşəcək"

Sosial-iqtisadi həyatın bütün sahələrində olduğu kimi, neft emalı sənayesində də dəyişikliklər baş verməkdə davam edir. Son iki gün ərzində dünya birjalarında neftin qiymətinin qalxması və daha sonra yenidən düşməsi prossesi ekspertlərin diqqətindən yan keçməyib. 

Son aylar neftin qiymətlərində baş verən dəyişiklikləri iqtisadçı İlham Şaban Ölkə.az-a şərh etdi.

Neft Araşdırmaları Mərkəzinin rəhbəri, eksper İlham Şabanın sözlərinə görə, əgər azalma davam etsə, neftin qiymətində 10 dollara qədər eniş baş verəcək ki, bu da 10%  itki deməkdir.  

"Bu qlobal prossesin başında ABŞ dayanır. Düzdür, əvvəlcə qeyd edirdilər ki, 2016-cı ildə neft hasilatı artacaq, ancaq son 33 ildə neft hasilatı artmayıb. ABŞ getdikcə idxalı azaldır. Hazırda çox kəskin surətdə neftin qiymətlərinin ucuzlaşmasını müşahidə edirik. Dünən ilk dəfə olaraq ABŞ bazarında neftin qiymətinin 90 dollara qədər düşməsini müşahidə etdik. Baş verənlər ona gətirir ki, Çin bazarında iqtisadi göstəricilər aşağı düşür. Çünki Çin böyük investisiyaları alternativ energetikaya yatırır. Onlarda olan kömür ehtiyatlarından qazın, metalın alınması bazara kifayət qədər təsir edir".

"Azərbaycanın iqtisadiyyatı daxili sənayedən deyil, dünya bazarında neftin qiymətindən asılıdır"

"Azərbaycan iqtisadiyyatı 160 ildir neft üzərində qurulub. Bəllidir ki, ölkə iqtisadiyyatı daxili, yerli sənayedən deyil, dünya bazarında neftin qiymətindən asılıdır. Hər bir neft ölkəsi üçün bu həm təhlükəli, həm də normal bir şeydir. Biz son 4 il ərzində neftimizi orta qiymətlə - 110 dollara satırdıq. Bu il üçün isə müəyyən qədər eniş olacağı hiss olunur. Əgər azalma davam etsə, 10% qədər qiymət azalması müşahidə edilə bilər. Bu isə gəlirlərə təsir edən ciddi bir amildir”. 

Qeyd edək ki, baş verən qiymət enişi ilə əlaqədar çərşənbə günü Azərbaycanda Аİ-95 (Premium) markalı benzinin qiyməti 0,97 manatdan 0,95 manata salınıb.

Fatimə İbrahimli

Ölkə.az