Piyadalar üçün təhlükə: \"Bir ildir müraciət edilib, amma...\" - FOTO

Parlament prospekti, Milli Məclislə “Alov qüllələri” arasında nizamlanmayan piyada keçidində müvafiq yol nişanlarının olmaması piyadalar üçün təhlükə yaradır.

Ölkə.Az xəbər verir ki, bu barədə "Bakı gündəliyi" səhifəsi məlumat yayıb. Qeyd olunub ki, sözügedən problemlə bağlı, bir il öncə Bakı Nəqliyyat Agentliyinə müraciət edilsə də, o vaxtdan indiyə qədər bir dəyişiklik yoxdur:

"Bildiyimizə görə, Bakı şəhərinin inzibati ərazisində yol nişanlarının qurulması işini Baş Dövlət Yol Polisi İdarəsi ilə razılaşdırmaqla Bakı Nəqliyyat Agentliyi görür. Bəlkə qanunvericiliyə dəyişiklik edilib, indi belə deyil?

Söhbət “Piyada keçidi” nişanlarından (5.16.1 və 5.16.2) gedir. Bəlkə həmin yol nişanlarının quraşdırılmasına yol polisi razılıq vermir, yaxud ehtiyac görmür? Amma həmin yolda maşınların sürətlə hərəkət etdiyi, yerin quruluşu səbəbindən sürücülərin “zebra”nı yalnız ona yaxınlaşanda gördüyü və çox vaxt maşını saxlaya bilmədikləri bildirilir" - məlumatda qeyd olunub.