Nöqsanlar tapılan Tibb Mərkəzi bu şirkətə 3,6 milyon ödəyir
“Ölkə.Az” xəbər verir ki, sorğunun qalibi “Sağlam Həyat” MMC olub.
Qalib təşkilatla 3,6 mln manat məbləğində satınalma mqaviləsi imzalanıb.
Qeyd edək ki, “Sağlam Həyat” MMC 14.12.2012 tarixində dövlət qeydiyyatına alınıb və qanuni təmsilçisi Kəsəmənli Ceyhun Aslan oğludur. Hüquqi ünvanı Gəncə şəhəri, Gülüstan qəsəbəsi, ev 14, m. 21 olan şirkətin nizamnamə kapitalı 10 manatdır.
Qeyd edək ki, bir neçə gün öncə Hesablama Palatası Sumqayıt Tibb Mərkəzinə (Mərkəz) ayrılmış dövlət vəsaitinin və digər dövlət əmlakının idarə olunmasının qiymətləndirilməsi ilə bağlı auditinin nəticələrini açıqlamış, tibb mərkəzinin nöqsanlara yol verdiyi bildirilmişdi. Məlumata əsasən, mərkəzin fəaliyyətindəki nöqsanların bir qismi də dövlət satınalmaları ilə bağlı olub, yerinə yetirilməyən iş və xidmətlər üzrə vəsait ödənilməsi hallarına, həmçinin tələb olunan və faktiki təmin edilən mallar üzrə keyfiyyət göstəricilərində uyğunsuzluqlara yol verilməklə tibbi xidmətin göstərilməsi ilə bağlı maddi-texniki təminat potensialının tam istifadə olunmamasına və əlavə dövlət vəsaitinin istifadəsinə şərait yaradıb, eləcə də satınalmaların nəticəliliyinə mənfi təsir göstərib. Belə ki, haqqı ödənilmiş tibbi cihaz və avadanlıqların tam təhvil verilməməsi hallarına yol verilib, eləcə də təmir işləri üzrə bağlanmış müqavilələr çərçivəsində görülməyən işlər üzrə vəsait icra edilib.
Könül
Ölkə.Az
