Rusiyaya gedən azərbaycanlıların sayı 1,5 dəfə artıb

Son 1 ildə Rusiyaya gedən Azərbaycan vətəndaşlarının sayı 1,5 dəfə artıb.

“Ölkə.Az” bu barədə Dövlət Statistika Komitəsinə istinadən xəbər verir.

Bildirilir ki, Gürcüstana gedənlərin sayı 33,6%, Türkiyəyə gedənlərin sayı 13,7% artıb, İrana gedənlərin sayı 20% azalıb.

Ümumilikdə isə bu ilin yanvar-avqust aylarında Azərbaycandan xarici ölkələrə gedən vətəndaşlarımızın ümumi sayı ötən ilin eyni dövrü ilə müqayisədə 23% artaraq 1 209 min nəfər olub. Onların 44,3%-i Türkiyəyə, 21,3%-i Rusiyaya, 9,1%-i Gürcüstana, 7,4%-i İrana, 17,9%-i digər ölkələrə səfər edib. Gedənlərin 65,1%-ni kişilər, 34,9 %-ni qadınlar təşkil edib.