KİV: FIFA mundialdan rekord məbləğdə gəlir qazanıb
2026-cı il dünya çempionatı FIFA-ya rekord məbləğdə gəlir gətirib.
Ölkə.az xəbər verir ki, qurum turnir müddətində 15 milyard dollar qazanıb.
Bu rəqəm ilkin proqnozlarla müqayisədə nəzərəçarpacaq dərəcədə yüksəkdir, belə ki, FIFA ilkin olaraq təxminən 11 milyard dollar əldə etməyi planlaşdırırdı.
Mənbənin məlumatına əsasən, gəlirlərin artmasında əsas amil oyunlara biletlərin satışı, o cümlədən onların yenidən satışı olub. FIFA həm alıcıdan, həm də satıcıdan 15% komissiya alır ki, bu da ümumilikdə daxilolmaları əhəmiyyətli dərəcədə artırıb.
Digər mühüm gəlir mənbəyi isə qonaqpərvərlik sahəsindəki xidmətlər olub. Məhz bu iki gəlir bəndi yekun qazancın nəzərdə tutulan göstəriciləri xeyli üstələməsinə şərait yaradıb.
