Milyonluq qarderobu dünya mediasının gündəmində
Ölkə.az xəbər verir ki, Dünya kubokunda diqqət çəkən futbolçunun qarderobunun ümumi dəyərinin təxminən 540 milyon lirə (19 milyon 718 min manat) olduğu iddia edilir. Holannın lüks çanta, saat, geyim, idman ayaqqabısı və aksesuar kolleksiyası moda dünyasında geniş müzakirə olunur.
Futbolçu ötən günlərdə sevgilisi İzabel Hauqsenq Yohansenlə birlikdə İtaliyada keçirilən "Dolce & Gabbana Alta Sartoria" dəfiləsində iştirak edib. 2023-cü ildən brendin səfiri olan Holannın bu əməkdaşlığının təxminən 2,5 milyon avro dəyərində olduğu bildirilir.
Holannın "Hermès" çanta kolleksiyasının isə təxminən 1,5 milyon avro dəyərində olduğu qeyd olunub. Kolleksiyada nadir istehsal edilən "HAC Rock", "Kelly Dépêches", "HAC Multi-pocket", "Birkin Toile" və "HAC 50 Endless Road" modelləri yer alır.
Ulduz futbolçunun ən bahalı kolleksiyalarından biri isə saatlarıdır. Onun 27 lüks saatdan ibarət kolleksiyasının ümumi dəyərinin 3,5 milyon avroya yaxın olduğu iddia edilir. Kolleksiyada əsasən "Rolex", "Patek Philippe" və "Audemars Piguet" markalarının eksklüziv modelləri yer alır.
Holann həmçinin "Nike" ilə uzunmüddətli əməkdaşlıq edir. O, meydanda əsasən "Nike Phantom" butslarından istifadə etsə də, gündəlik həyatında "Air Jordan" və "Air Force 1" idman ayaqqabılarını lüks aksesuarlarla tamamlayaraq fərqli üslubu ilə seçilir.(axsam.az)
