DÇ-2026: İspaniya dünya çempionu oldu - VİDEO

Ölkə.az-ın məlumatına görə, Nyu-York/Nyu-Cersi stadionunda oynanılan qarşılaşmanın 106-cı dəqiqəsində İspaniya ilk qola sevinib.

Fernan Torres qapını dəqiq nişan alıb - 1:0.

Qeyd edək ki, matçda əlavə vaxt oynanılır.

****

Futbol üzrə 2026-cı il dünya çempionatının final oyunu start götürüb.

Ölkə.az xəbər verir ki, ABŞ-nin Nyu-Cersi ştatının İst-Raterford şəhərində yerləşən "MetLife" stadionunda keçirilən həlledici qarşılaşmada İspaniya və Argentina milliləri dünya çempionu adı uğrunda mübarizə aparırlar.

80 633 azarkeş tutumuna malik arenada keçirilən oyunu minlərlə futbolsevərlə yanaşı, ABŞ Prezidenti Donald Tramp və FIFA prezidenti Canni İnfantino da tribunadan izləyirlər.

Qeyd edək ki, İspaniya tarixində ikinci, Argentina isə dördüncü dünya çempionluğu uğrunda mübarizə aparır. Final qarşılaşmasının qalibi 2026-cı il dünya çempionu olacaq.(oxu.az)