İspaniyadan görünməmiş addım: Yayın ortasında yeraltı anbarlar boşaldılır
İspaniya tarixində ilk dəfə olaraq qışın qaz ehtiyatlarını yayın ortalarında istifadə etməyə başlayıb.
Ölkə.az xəbər verir ki, bunu GIE Assosiasiyasının məlumatları göstərir.
Bu, kondisionerlərin işləməsi üçün lazım olan elektrik enerjisinin çatışmazlığı ilə əlaqədardır.
Bildirilir ki, iyulun 2-dən 14-dək yeraltı qaz anbarlarından 39,4 milyon kubmetr qaz çıxarılıb. Bundan əlavə, ölkə təkcə qaz çıxarmır, həmçinin ehtiyatları bərpa etmir. Bu ay anbarlar 73,3 faiz dolub ki, bu da 2021-ci ildən bəri bu dövr üçün ən aşağı səviyyədir.
