Avropalı nazirlər Azərbaycana gəlib

Bu gün Bakıda “Şərq Tərəfdaşlığı” ölkələrinin IV energetika nazirlərinin qeyri-rəsmi görüşü başlayıb.

Azərbaycanın Energetika Nazirliyinin təşkilatçılığı ilə keçirilən görüşdə Azərbaycanın energetika naziri Natiq Əliyev, ARDNŞ prezidenti Rövnəq Abdullayev, həmçinin Avropa Birliyinin energetika məsələləri üzrə komissarı Günter Ottinger, Avropa İttifaqının Genişlənmə və Avropa Qonşuluq siyasəti üzrə komissarı Ştefan Füle, Gürcüstanın energetika naziri Kaxa Kaladze, Ukraynanın energetika Prodan, Moldovanın energetik naziri Adrian Kandu, Belarusun energetika nazirinin müavini Vadim Zakrevski iştirak ediblər.

N. Əliyev sözlərinə görə, Afrika ölkələrində, Ukraynadakı vəziyyət dünyanın energetika  xəritəsində dəyişikliklərə səbəb olub.

“Bugünkü formal görüş bizim ölkələrimizin energetika sahəsində əməkdaşlığını daha da genişləndirmək və yeni-yeni əməkdaşlıq formalarının axtarıb tapılmasına həsr olunacaq”, - deyə nazir qeyd edib. 

G. Ottinger bildirib ki, Rusiya ilə Ukrayna arasında yaranan gərginlik fonunda Avropa İttifaqı öz enerji təhlükəsizliyinin gücləndirməlidir: “Biz bunun üçün yollar axtarırıq. Avropa İttifaqı bu cür gərginliyin yaranmasını istəmir. Çünki bu cür hallar bütövlükdə Avropanın enerji təminatına və enerji təhlükəsizliyinə gərginlik yaratmış olur”.

Ş. Füle isə qeyd edib ki, bu cür gərginliklərin yaranmaması üçün ilk növbədə “Şərq Tərəfdaşlığı” ölkələri öz aralarında əməkdaşlığı genişləndirməlidirlər.(apa)

Ölkə.Az