Dövriyyədə olan manat kütləsi azaldı

2015-ci ilin dekabrın 1-nə Azərbaycanda dövriyyədə olan manat kütləsi (pul bazası) 6 milyard 730,6 milyon manat təşkil edib. Bu isə bir öncə ayla, yəni oktyabr ayının yekunu ilə müqayisədə 4,6% və yaxud 325,3 milyon manat azdır.

Ölkə.Az bu barədə Azərbaycan Mərkəzi Bankına (AMB) istinadən xəbər verir. 

2014-cü ilin noyabr ayının yekunu ilə müqayisədə dövriyyədə olan manat 41,6% və ya 4 milyard 789,1 milyon manat, 2015-ci ilin əvvəlindən isə 41,7% və ya 4 milyard 811,3 milyon manat azalıb.

Qeyd edək ki, 2014-cü ilin noyabr ayının yekunlarına görə, dövriyyədə olan manat kütləsinin həcmi 11 milyard 519,7 milyon manat, ötən ilin əvvəlində isə 11 milyard 541,9 milyon manat olub. 

Ölkə.Az