Müştəriləri \"Bank of Baku\"dan şikayətçidir

Ölkə.Az xəbər verir ki, bu dəfə bankın xidmətlərindən şikayətçi olan tanınmış bloqçu Pərviz Əzimovdur.

O, sosial şəbəkədəki hesabında bu haqda qeyd edib:

""Bank f Baku"da dollar hesablı debet kartdan istifadə edirəm. Bu gün banka yazmışam ki, dollar hesablı kartıma AZN ilə 1000 dollar ekvivalentində pul qoymaq istəyirəm, hansı məzənnə ilə hesablanacaq?

Operator xanım deyir ki, ümumiyyətlə dollar hesabına ancaq dollar ilə pul qoya bilərsiniz.

Dəlidir bunlar? Bu vaxta qədər AZN ilə qoyurdum, bank konvertasiya edirdi. İndi devalasiya olub deyə dollar satışını necə dayandıra bilərlər? Hansısa iqtisadi cinayətkar Rafiq Əliyev və Rza Zərrab kimi admlar gəlib bank açır, sonra da keyfi olmayanda deyir dollar satışını dayandırıram. Elçin İsayevə buna görə güclü bankir deyirdilər? Belə qərarlar verir deyə? Devalvasiya dövrü üçün bank risk departamentinin plan analizi olmayıb? Müştərini belə pis vəziyyətdə qoymaq olar?

Bu mənim işimdir, "Facebook"a, "Google"a ödənişlər etməklə məvaciblər alıram, şirkətin "digital" işlərini görürəm, indi bank necə məni işsiz qoya bilər?

Heç kartı açanda demirdi ki, devalvasiya olsa ödəişi qəbul etməyəcəyik".

Qeyd edək ki, ikinci devalvasiyadan sonra banklara kredit borcu olan müştərilərdən başqa, bankların xidmətlərindən yararlanan müşərilər ən çox "Bank of Baku"dan şikayət edirlər.