Mərkəzi Bankın valyuta ehtiyatlarında rekord artım

Valyuta hərraclarında bankların tələbinin əhəmiyyətli azalması fonunda Azərbaycan Mərkəzi Bankı alışyönlü müdaxilə həyata keçirib.

Ölkə.az xəbər verir ki, bu barədə Azərbaycan Mərkəzi Bankı (AMB) məlumat yayıb.

Məlumata görə, cari ilin ilk 5 ayında Mərkəzi Bankın valyuta ehtiyatları 1,2 milyard ABŞ dolları və ya 10,4% artaraq 12,7 milyard ABŞ dollarına yüksəlib. AMB bildirib ki, valyuta bazarında müşahidə olunan vəziyyət ehtiyatların artırılmasına imkan verib.