Azərbaycan və İran aqrar sahədə əməkdaşlığı genişləndirir
“Hər iki ölkə kənd təsərrüfatı sahəsində böyük potensiala malikdir”.
Azərbaycanda bitki və heyvanlar üçün dərman preparatlarının istehsalına dair birgə müəssisə yaradıla, İranlı ixracatçılar Azərbaycanın Aktau şəhərindəki Logistik Mərkəzindən istifadə edə bilər.
Ölkə.Az xəbər verir ki, bu sözləri İqtisadiyyat naziri Şahin Mustafayevİranın kənd təsərrüfatı naziri Mahmud Höccəti ilə görüşündə deyib.
Bundan başqa, nazir əlavə edib ki, Azərbaycan pambıqçılıq, toxumçuluq və tingçilik sahələrində əməkdaşlıqda, eləcə də meyvə qurudulması sahəsində İran təcrübəsinin öyrənilməsində və ölkəmizdə meyvəqurutma müəssisələrinin yaradılmasında, İrandan kənd təsərrüfatı texnikasının alınması sahəsində əməkdaşlıqda maraqlıdır.
Öz növbəsində, M.Höccəti qeyd edib ki, hər iki ölkə kənd təsərrüfatı sahəsində böyük potensiala malikdir.
Aqrar sahədə əməkdaşlığın genişləndirilməsi üçün mövcud potensialdan səmərəli istifadə olunması əhəmiyyətlidir.
Vurğulanıb ki, ölkələrimiz arasında ticarət əlaqələri genişləndirilməklə 3-cü ölkələrə birgə ixrac həyata keçirilə bilər.
M.Höccəti İranlı fermerlərin Azərbaycanda müştərək və ya uzunmüddətli torpaq icarəyə götürərək xüsusi tələbat olan məhsulların əkilməsində, birgə investisiya qoyuluşunda maraqlı olduğunu diqqətə çatdırıb. (oxu.az)
