Şahmar Mövsümov yas mərasimi ilə bağlı məhdudiyyətlərdən danışdı

“Hazırda çox az sayda məhdudiyyətlər qalıb. Yas mərasimləri də bunların içərisindədir”.

Ölkə.Az xəbər verir ki, bunu Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bugünkü brifinqdə deyib. O bildirib ki, bütün bu qərarlar elmi əsaslarla və praktiki tətbiqlə verilir:

“Toylarda nəzarətin qurulması, COVID pasportların yoxlanılması, saya nəzarət edilməsi, ara məsafələrin saxlanılması nöqteyi nəzərindən yaxın kontaktların yol verilməməsinə nəzarət etmək daha asandır. Amma təəssüf ki, yas mərasimlərində böyük axına nəzarət etmək, onların COVID pasportunun olub-olmamasını yoxlamaq və həm fiziki olaraq kontaktlar yaxındır və yoluxmanın sürətlə yayılması ehtimalı çox yüksəkdir.  Ona görə də hələlik bu əsasları nəzərə alaraq yas mıərasimləri məhdudiyyəti saxlanılır. Təbii ki, “omicron” ştammı Azərbaycana gəlib gedəndən sonra növbəti mərhələlərdə bu məsələlərə baxmaq olar”.

Billurə Yunus