Arvadını və qayınanasını öldürən şəxs yenidən HAKİM QARŞISINDA

Həyat yoldaşını və qayınanasını qətlə yetirməkdə təqsirli bilinən İsmayılov Ramin Səfər oğlu Ali Məhkəməyə şikayət edib.

"Ölkə.Az" xəbər verir ki, onun şikayətinə hakim Əziz Seyidovun sədrliyi ilə baxılacaq.

İş üzrə məhkəmə baxış iclası martın 31-nə təyin olunub.

Qeyd edək ki, dəhşətli qətl hadisəsi 2018-ci il may ayının 21-də Xətai rayonu Nahimov küçəsindəki evlərdən birində törədilib. Mənzildə 1954-cü il təvəllüdlü Ətir Şirinova və qızı, 1987-ci il təvəllüdlü Günay İsgəndərovanın üzərində çoxsaylı bıçaq xəsarətləri olan meyitləri aşkar edilib. Qadınların cəsədini Ətir Şirinovanın evə qayıdan oğlu aşkarlayıb. Qətlin Günay İsgəndərovanın keçmiş həyat yoldaşı İsmayılov Ramin Səfər oğlunun törətdiyi məlum olub. Qanlı hadisəni törətməkdə şübhəli bilinən şəxs daha sonra Ağdam rayonuna gedərək orada polisə təslim olub.

Bakı Ağır Cinayətlər Məhkəməsində hakim Əlövsət Abasovun sədrliyi ilə keçirilən prosesdə Ramin İsmayılov ömürlük azadlıqdan məhrum edilib.

Ölkə.Az