Sumqayıtda 55 yaşlı qadın sevgilisini balta ilə öldürüb, sonra isə... - DƏHŞƏTLİ QƏTLİN TƏFƏRRÜATI

"Ölkə.Az" xəbər verir ki, Sumqayıt şəhər 10-cu mikrorayon 42 №-li evin 2-ci girişində çantaya qoyulmuş kişi cəsədi aşkarlanıb. 

DİN Baş Cinayət-Axtarış İdarəsi, Kriminalistik Tədqiqatlar İdarəsi və Sumqayıt ŞPİ əməkdaşlarının həyata keçirdikləri birgə əməliyyat-axtarış tədbirləri nəticəsində mərhumun şəxsiyyəti müəyyən edilib. Məlum olub ki, o, Bərdə rayon sakini, əvvəllər məhkum olunmuş Əsgər Pirverdiyev olub.

Həyata keçirilən əməliyyat-axtarış tədbirləri nəticəsində Əsgər Pirverdiyevi qısqanclıq zəminində balta ilə qətlə yetirənin onunla qeyri-rəsmi nigah münasibətlərində olan, Saray qəsəbəsi ərazisindəki evlərdən birində kirayədə yaşayan 55 yaşlı Südabə Kazımova olduğu üzə çıxıb. O, sevgilisini öldürdükdən sonra meyitini həssələrə bölərək Sumqayıt şəhərinin müxtəlif yerlərinə atıb. Südabə Kazımova saxlanılıb.  

İş üzrə təqsirləndirilən şəxs qismində dindirilən Südabə Kazımova ifadəsində Əsgər Pirverdiyevlə qeyri-rəsmi yaşadığını bildirib. Son vaxtlar mərhum onu çox incidib və əzab verib. Bu səbəbdən qadın Əsgəri cəzalandırmaq qərarına gəlib. 

Gecə saatlarında Südabə Kazımova əllərinə əlcək keçirərək həyətdə olan baltanı alıb və elə orada çarpayıda uzanan Pirverdiyevə yaxınlaşıb. Əsgərin yatmasından istifadə edərək Südabə Kazımova boğaz nahiyyəsindən ilk olaraq ardıcıl 2 zərbə endirib. Onun sözlərinə görə zərbələrin nəticəsində Pirverdiyevin başı bədənindən ayrılıb. Amma bununla qadının hirsi soyumayıb. O, bıçaq və baltadan istifadə etməklə kişinin qollarını və ayaqlarını parçalamaq qərarına gəlib.  

Hətəydə qan izlərini yuyub təmizlədikdən sonra Sübadə Kazımova meyitin başını soyuducuya qoyub. Bədən hissəsini isə böyük çantaya yerləşdirərək Saray qəsəbəsindən Sumqayıt şəhərinə gəlib. Çantanı 10-cu mikrorayonda 42 saylı binanın 2-ci girişində pilləkana atıb və evə qayıdıb. Səhərsi gün meyitin ayaqlarını və qollarını bir çantaya, başını isə digər çantaya yerləşdirərək yenidən Sumqayıta yollanıb. Onları bazarın yaxınlığında zibilliyə tullayıb. 

Məhkəmə psixatrik ekspertizasının rəyində göstərilib ki, qadın cinayət törədərkən anlaqlı və öz hərəkətlərini idarə etmək iqtidarında olub. 

Məhkəmə prosesi zamanı Sübadə Kazımova istintaqa verdiyi ifadəsini təsdiq etməklə cinayəti qısqanclıq zəmnində törətdiyini bildirib. 

Məhkəmənin hökmü ilə Sübadə Kazımova cinayəti törətməkdə təqsili bilinərək 14 il müddətinə azadlıqdan məhrum olunub.   

Ölkə.Az