Şəmkirdə tanışını öldürən 17 yaşlı gənc HAKİM QARŞISINDA
Şəmkir rayonunda tanışını qətlə yetirməkdə təqsirli bilinən Hüseynov Rəvan Eynur oğlunun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.
Cinayət işi hakim hakim Nural Əliyevin icraatına verilib.
Qeyd edək ki, bu il yanvarın 5-də Şəmkir şəhər sakini, 2003-cü il təvəllüdlü Tağıyev Əhliman Kənan oğlunun öldürülməsi barədə rayon prokurorluğuna məlumat daxil olub.
Aparılan araşdırmalarla zərərçəkmişin tanışı, 2003-cü il təvəllüdlü Hüseynov Rəvan Eynur oğlunun şəxsi münasibətlər zəminində aralarında yaranan mübahisə zamanı Əhliman Tağıyevə xəsarətlər yetirərək sonuncunu qəsdən öldürməsi müəyyən edilib.
Rəvan Hüseynova Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham verilib.
Ölkə.Az
