Ata şəriki ilə evlənən qızını güllələdi, oğlan qaçıb canını qurtardı - FOTO

Kişi şəriki ilə ailə quran qızını güllələyib, qadının əri isə hadisə yerindən qaçıb.

Ölkə.Az Türkiyə mediasına istinadən xəbər verir ki, hadisə Dənizli şəhərində baş verib.

Kənd təsərrüfatı ilə məşğul olan Oytun Safa Tengiz, Alphan Akçaözlə şərik olaraq çalışıb. Bir müddət sonra Alphan Akçaözün qızı Kadriyə ilə Otun Safa bir-birini sevib və birlikdə İzmir şəhərinə qaçaraq ailə həyatı qurublar.

Cütlük bir müddət sonra Dənizliyə dönərək kənd təsərrüfatı sahəsində işləməyə başlayıb. Ardınca qız yoldaşı ilə birgə ata evinə gedərək halallıq almaq və münasibətləri səhmana salmaq qərarına gəlib.

Evin həyətində ata ilə qızın söhbəti sonda münaqişəyə çevrilib. Belə ki, Alphan Akçaöz qızı Kadriyədən keçmiş şərikindən boşanmasını tələb edib. Lakin o bununla razılaşmayıb və nəticədə ata tüfənglə cütlüyə ardıcıl atəş açıb. 

Kadriyə başından və sinəsindən yaralanıb, həyat yoldaşı Oytun Safa hadisə yerindən qaçıb.

Gənc aldığı yaralar səbəbindən qadın reanimasiyaya yerləşdirilib, atası isə saxlanılıb.

Ölkə.Az