Diddi həbsdən nə vaxt çıxacaq? - Tarix açıqlandı
Məşhur amerikalı müğənni və musiqi prodüseri P. Diddinin (əsl adı Şon Kombs) həbsdən azad ediləcəyi tarix məlum olub.
Ölkə.az xəbər verir ki, bu barədə “The Hollywood Reporter” məlumat yayıb.
Bildirilib ki, Şon Kombs 23 fevral 2028-ci ildə azadlığa buraxılacaq. Bundan əvvəl onun cəza müddəti artıq bir ay yarım azaldılmışdı və ilkin plana əsasən, reper 2028-ci ilin aprelində həbsdən çıxmalı idi.
Azadlığa buraxılma tarixinin yenidən dəyişdirilməsinin səbəbləri açıqlanmayıb. Nəşrin ehtimalına görə, qərara Kombsun nümunəvi davranışı, həmçinin həbsxanadakı müxtəlif proqram və tədbirlərdə fəal iştirakı təsir göstərmiş ola bilər.(publika)
