Qalmaqallı reklama görə danışdı: “Kompleksim olsaydı, çəkilməzdim”
Aktrisa Türkan Mourad qalmaqala səbəb olan reklam çarxı ilə bağlı mövqeyini açıqlayıb.
Ölkə.az xəbər verir ki, aktrisa sosial şəbəkə hesabında paylaşdığı hekayədə reklama yönələn tənqidlərə münasibət bildirib.
“İlk öncə təbriklərə görə çox sağ olun. Qınayanlar isə bu, bir obrazdır. Mən də canlandırmışam. Əgər kompleksim olsaydı, çəkilməzdim. Relax”, – deyə Türkan Mourad qeyd edib.
Xatırladaq ki, aktyor Taleh Yüzbəyovun “Almond Cake & Bakery” ilə əməkdaşlığı çərçivəsində çəkilən reklam videosu sosial şəbəkələrdə geniş müzakirələrə səbəb olub. Reklamın ssenarisi bəzi izləyicilər tərəfindən tənqid edildikdən sonra video şirkətin səhifəsindən silinib. Daha sonra Taleh Yüzbəyov çarxın reklamsız versiyasını öz sosial şəbəkə hesabında yenidən paylaşıb.
Həmidə İbrahimova
