Ahbap qalmaqalı böyüyür – Funda Ararın sözləri gündəm oldu
Ölkə.az xəbər verir ki, İstanbul Baş Prokurorluğunun Ahbap Dərnəyi ilə bağlı başladığı istintaq çərçivəsində dərnəyin qurucusu və rəhbəri Haluk Levent həbs edilib.İstintaq davam edərkən məşhurların da mövzu ilə bağlı açıqlamaları gündəm olmağa davam edir. Müğənni Funda Arar Fatih Altaylının proqramında çıxışı zamanı Ahbap Dərnəyinə heç vaxt ianə etmədiyini bildirib.
"Ahbap Dərnəyinə bir qəpik də pul köçürmədim. Yardımlarımı həmişə özüm etdim", – deyə sənətçi bildirib.
Funda Arar Haluk Leventə əvvəldən etibar etmədiyini də gizlətməyib.
"Onun keçmişi məlum idi. Sənət camiəsində də haqqında danışılanları eşitdiyimiz üçün mənə inandırıcı gəlmirdi. Sonradan gördüyü yardımları görəndə "Bəlkə dəyişib?" deyə düşündüm", – deyə o qeyd edib.
Müğənni əlavə edib ki, minlərlə insanın xüsusilə 6 fevral zəlzələlərindən sonra Ahbap Dərnəyinə ianə etdiyini nəzərə alaraq belə bir hadisənin baş verəcəyinə inanmadığını bildirib.
"İnsan düşünür ki, bu qədər adam pul köçürürsə, belə bir şeyə cəsarət etməzlər. Zəlzələdən sonra bu qədər insan çətin vəziyyətdə olarkən bunun baş verməsi çox üzücüdür", – deyə Funda Arar vurğulayıb.(yenisabah)
