2016-cı ilin ən bərbad filmləri

Amma elə filmlər var ki, 10 dəqiqə izlədikdən sonra "bu nə bərbad filmdir, bunu çəkənin də, çəkilənin də.."-deyib itirdiyin vaxta heyfin gəlir.

Kinostudiyalarda da vəziyyət belədir. Bəzən çox uğur qazanacağına ümid edilən film dünya prokatında uçuruma yuvarlanır.

Ölkə.Az bu gün 2016-cı ilin ən bərbad və uğursuz filmlərinin siyahısını təqdim edir.

10. "Qızışdırıcılar"
Büdcə- 25 milyon dollar
Gəlir- 22 milyon dollar

Elə də pis komediya filmi deyil. Amma uğursuzluq əldə etdi. "Forbes" jurnalının əməkdaşı Natali Robexmed bildirib ki, filmlər pis olduğu üçün uğursuz alınıb.

9. "Snouden"
Büdcə- 40 milyon dollar
Gəlir- 34.3 milyon dollar

Rejissor Oliver Stounun filmi xüsusi xidmət orqanlarından bəhs edir. Amma belə bir süjet üçün romantik süjetlərin çoxluğu filmi uğursuz edib.

8. "Qrimsbili qardaşlar"
Büdcə- 35 milyon dollar
Gəlir- 28.7 milyon dollar

Saşa Baron Koenin iştirak etdiyi ən uğursuz film sayılır. Komediya filmi iki qardaşdan bəhs edir.

7. "Reportyor qız"
Büdcə- 35 milyon dollar
Gəlir- 25 milyon dollar

Telekanal əməkdaşı Kim Beyker Əfqanıstana yollanır və 5 il oradakı hadisələri işıqlandırır. Filmin yaradıcıları komediya və dramı qarışdırmaq istəsələr də, uğursuz film alınıb.

6. "Qonşuluqda yaşayan casuslar"
Büdcə- 40 milyon dollar
Gəlir- 27 milyon dollar

Banal süjet xətti, yadda qalmayan treklər, bir neçə uğursuz zarafat, atışma səhnələri. Elə də maraqlı film alınmayıb.

5. "Retçet və Klank: Qalaktika reyncerləri"
Büdcə- 20 milyon dollar
Gəlir- 11.8 milyon dollar

Video oyun əsasında lentə alınan ən bərbad cizgi filmidir. Orta səviyyəli qrafika, bəsit süjet, maraqsız zarafatlar.

4. "Qürur, mənfi rəy və zombi"
Büdcə- 28 milyon dollar
Gəlir- 16.4 milyon dollar

Məşhur aktyor heyəti, gözəllər, qara yumor və zombi. Janrlar arasında keçidlər çox kobuddur.

3. "Pop-ulduz: dayanma, durma"
Büdcə- 20 milyon dollar
Gəlir- 9.5 milyon dollar

Musiqi qrupu yaradan üç dostdan bəhs edir.

2. "Consun azad ştatı"
Büdcə- 50 milyon dollar
Gəlir- 23 milyon dollar

Aktyor Mettyü Makkonaxi ABŞ vətəndaş müharibəsinin iştirakçısıdır. Film real hadisələr əsasında ekranlaşdırılıb.

1. "Maks Stil"
Büdcə- 10.4 milyon dollar
Gəlir- 4.4 milyon dollar

Cizgi filminin motivləri əsasında ekranlaşdırılıb. Super qəhrəmandan bəhs edən fantastika filmidir. 2016-cı ilin ən bərbad filmi adlandırılıb.

Hikmət
Ölkə.Az