Mətn ölçüsü:
  • 100%

Bu 5 hərəkətlə sağlamlığı bərpa etmək olar

Uzaq Yaponiyada bir balaca uşaq yaşının az olmasına baxmayaraq ikinci dəfə ölümcül xəstəliyə məruz qalır. Ailəsindən başqa kimsə onun yaşayacağına və normal insan həyatı sürəcəyinə inanmır. Amma ziyalı yapon ailəsində böyüyən bu uşaq meylini kitablara, şəxsi gigeyena, tibbi fəlsəfəyə salaraq, gələcəkdə dünyanın əksər ölkələrində tətbiq olunan Sağlamlıq sistemini yaradır. O sistem üçün əvvəlcə Qədim Şərq təbabətindən tutmuş, modern avropa tibb elminə qədər 70 minə yaxın ədəbiyyat oxuyur. Onlardan yalnız 362 ədəbiyyat ayırır. Onların ümumi yekununda belə bir qənaətə gəlir ki, insanın ən əsas sağlam və xoşbəxt olması üçün bədəndə sağlam qanın olması və bu sağlam qanın düzgün dövr etməsidir. 

Ölkə.Az modern.az-a istinadən həmin xəstə uşağın, sonralar böyük alim olmuş Katsuzdo Nişinin insanı sağlam və xoşbəxt edə biləcək bir neçə bədən hərəkətini təqdim edir:

1. Bərk yataqda arxası üstə düzgün uzanma-yatmaq:

Gecə yatdıqdan sonra insan bədəni özünün ikinci və daha aktiv növbəsinə başlayır. Laboratoriya işə düşür və burada bədəndəki qanın düzgün dövr etməsi hər şeyi həll edir. Şərq fəlsəfəsindəki qədim yoqlar da məhz müdrik olmaqdan ötrü bu cür yatış üsulunu məsləhət görürdülər. Bu üsulla maneələrə rast gəlmədən beyinə çatan qan onu düzgün şəkildə qidalandırır. Səhər durduğumuz zaman nikbinlik, şən əhval-ruhiyyə və gümrahlığın əsas üsulu məhz budur.

2. Bərk və kiçik yastıqdan istifadə:

Nişi öz “yastığ”ını ağacdan düzəltmişdi. Boynunun altına qoyulan taxta parçası beyinlə bədəndəki qanın normal əlaqəsini təmin edirdi. Bizim ən böyük səhvimiz yumşaq balışları başımızın altına qoyaraq rahat və geniş səthə meyl etməmizdir. Əslində bu qan mübadiləsini və beynin qanla qidalanmasını pozur. Nəticədə qidasız qalan beyin hüceyrələri biz yatsaq belə, öz yorğun və mürəkkəb iş şəraitini keçirmiş olur. Boynun altında qalan möhkəm yastıq isə baş hissəsini döşəkdən bir barmaq yuxarı saxlamaqla orqanizmin ümumi harmoniyasına kömək edir. Bu üsuldan istifadə edənlər səhəri çox gözəl əhval-ruhiyyə ilə açıb, əlavə yuxusuzluqdan şikayətlənmirlər.

3. Uzanaraq titrəmə:

Üçüncü hərəkət ilk ikisindən fərqli olaraq, yuxudan durandan sonra edilir. Bədən “vibrasiyası” vasitəsilə bədəndəki qanın düzgün dövretməsinə nail olmaqdır. Səhər sübh yuxudan duran kimi təmiz havada quru yerdə arxası üstə uzanaraq bədəndə əl, ayaq və qarın əzələlərini gəginləşdirib tarım halına gətirib, daha sonra buraxmaqla qanın dövretmə sürətini artırmaq mümkündür. Bu zaman əllərin boyun arxasında, ayaqların isə eyni anda göyə qalxaraq, enməsi vacibdir. Vıbrasiyanı təmin etməklə  səhər-səhər ilk qidanı mədəyə deyil, beyinə verilməsinə nail oluruq. Bu zaman beyin gümrah şəkildə bütün bədən əzələlərinin rahatlaşmasını təmin edəcək. Səhərin gümrah açılması üçün tətbiq olunan üsullardan biri də budur. Bu üsul zamanı üz əzələlərini də əzişdirib-büzüşdürməklə (sanki hansısa kifiri təqlid edirik) aktivliyi artıra bilərik.

4. Uzanaraq kapilyarları qidalandırma:

İstər Yoqa, istərsə də Nişi sağlamlıq sistemlərində bunun bir neçə üsulu var. Amma yazının xoş səhərin əldə edilməsinə bir cəhd olduğunu nəzərə alaraq, sübh zamanı edilən xırda hərəkətlərdən birini deyək. Deməli, yuxarıda dediyimiz quru yastıq boynunun arxasına qoyularaq əllərimizlə  ayaqlarımızı qucaqlayıb elə bu vəziyyətdə göyə qaldırırıq. Bir-iki dəqiqə göydə olmaq şərti ilə “titrəmə rejimində” oluruq.  Gərilən bədən titrəyəndən sonra qanı kapilyarlara çox asanlıqla qovur. Nəticədə isə, xoş sabahınız xeyir...

5. Ürəyi “mükafatlandırma”

Bütün bədənin ümumi vəziyyəti qan “bankı” olan ürəkdən asılıdır. Orqanizmi idarə edən beyinə  bu bankdan düzgün şəkildə sağlam qida getmədikcə, ümumi gümrahlıqdan söhbət gedə bilməz. Nişi sistemində ürəyi işlədən bir neçə hərəkət var ki, onların da əsasında titrətmə dayanır. Titrətmə üçün isə bir neçə yoqa vəziyyəti (lotos, dəvəquşu, ilan duruşu, meymum və s-dən istifadə edilir. Ən sadə hərəkətlərdən biri də diz üstə oturub çiyni qulaqlara tərəf 20 dəfə sıxmaqdır. Bu zaman ürəklə beyin arasındakı yol daha da açılır. Bütün xoşbəxtliklər gümrahlıqdan başlayır.

Ölkə.Az