Bu ölkədə insanlar hələ də çiy ət yeyir - FOTO
Efiopiyalılar çoxəsrlik vərdişlərinə görə çiy ət yeməyə davam edirlər.
Ölkə.Az xarici KİV-ə istinadla xəbər verir ki, status və var-dövlət əlaməti sayılan bu vərdiş əcnəbiləri heyrətə gətirir.
Efiopiyalılar həkimlərin xəbərdarlıqlarına və ölkədə yayılan fəstfud mədəniyyətinə baxmayaraq, əsrlərdir davam etdirdikləri çiy ət yemək vərdişlərindən əl çəkmirlər.
Həm kənd yerlərində, həm də şəhərdə restoran, qəssab və barlarda təqdim olunan çiy ət ölkəyə gələn əcnəbiləri təəccübləndirir.
Dünyanın müxtəlif yerlərində qəribə sayıla biləcək bu yemək mədəniyyəti Efiopiyada yaşlı-cavan, kişi-qadın hər kəsin ağzını sulandırır.
Məlumata görə, dəfələrlə həkimlər yerli vətəndaşlara bu vərdişlərini tərgitmək barədə xəbərdarlıq etsələr də, heç bir nəticəsi olmayıb.
Ölkə.Az
