"Lays" tənbəllər üçün barmaqyuyan maşın istehsal etdi - FOTO

Ölkə.Az xəbər verir ki, barmaqyuyan maşın çips yedikdən sonra əllərini yumağa tənbəllik edən və ya çips yeyərkən telefonuna baxmaq istəyən insanlar üçün nəzərdə tutulub.
Dizaynına görə miniatür paltaryuyan maşına bənzəyən barmaq təmizləyici maşına tələbat çox ola bilər.

“OddityCentral”ın xəbərinə görə, düyməni basdıqdan sonra təmizləmə prosesinin başlamasını gözləmək lazımdır. Təmizləmə prosesi maşın barmaqlarınızın ucunu aşkar etdikdə başlayır. 15 sm hündürlüyü və 11 sm eni olan məhsulda USB Type-C portu var.

Sözügedən maşın bu yaxınlarda Yaponiyada viral olub. Barmaqların uclarını praktik şəkildə təmizləməyə kömək edən məhsul cəmi beş ədəd istehsal edilib və lotereya ilə təqdim olunacaq. Yaponiyadan kənarda insanların tirajda iştirak edib-etməyəcəyi hələ məlum deyil.

Fidan