“Youtube”da yeni funksiya: Buna icazə verilməyəcək
Dünyanın ən çox istifadə edilən sosial şəbəkələrindən biri olan “Youtube” yeni “Creator Music” adlı proqramını təqdim edib.
Ölkə.az lent.az-a istinadən xəbər verir ki, sözügedən yenilik kontent müəlliflərinə şəxsi videolarını monetizasiyası etmək imkanı verir.
Ancaq bu zaman yalnız lisenziya olunmuş mahnılardan istifadə etmək mümkün olacaq.
Belə ki, “Creator Music”dən istifadə 2 halda həyata keçəcək.
Birinci halda kontent müəllifləri mahnıları birbaşa lisenziyalaşdıracaq və gəlirin tamamını özlərinə götürəcək. Təbii ki, “Youtube”un 45%-lik komissiyası istisna olmaqla..
İkinci halda isə istifadəçilər əldə etdikləri gəlirlərini mahnıların sahibləri ilə bölüşəcəklər.
Hazırda bu proqram Amerikada test mərhələsindədir. Qarşıdakı il bütün regionlarda aktiv olacağı gözlənilir.
