"ChatGPT" möhtəşəm YENİLİK

Ölkə.Az-ın CNBC-yə istinadən məlumatına görə, yeni modifikasiya valideyn nəzarəti funksiyalarını və arzuolunmaz kontentdən qorunmanı gücləndirən mexanizmləri əhatə edəcək.

Əgər sistem yetkinlik yaşına çatmayan istifadəçini müəyyən etsə, onu avtomatik olaraq ChatGPT-nin təhlükəsiz versiyasına yönləndirəcək. Bu versiyada qrafik və seksual məzmun bloklanacaq. Güclü emosional streslə bağlı istisna hallarda isə hüquq-mühafizə orqanlarının cəlb edilməsi imkanı nəzərdə tutulur.

OpenAI həmçinin istifadəçilərin yaşını daha dəqiq müəyyənləşdirən texnologiya üzərində də işləyir. Əgər sistem yaşı dəqiq təsbit edə bilməsə, avtomatik olaraq “uşaq rejimi”ni aktivləşdirəcək.

Bu təşəbbüs ABŞ Federal Ticarət Komissiyasının uşaqlara və yeniyetmələrə AI-çat-botların təsirini araşdıran təhqiqatına cavab olaraq ortaya çıxıb. Daha əvvəl şirkət yeniyetmə ilə bağlı faciəli hadisədə ChatGPT-nin adının hallanmasından sonra tənqid olunmuş və məhkəmə iddiası ilə üzləşmişdi.