Dopamin effekti: alış-veriş niyə qadınları sevindirir?

Ölkə.az xəbər verir ki, bu barədə aparılan elmi araşdırmalar maraqlı nəticələr ortaya qoyub.

2014-cü ildə "Journal of Consumer Psychology" jurnalında yayımlanan tədqiqata görə, yeni bir şey almaq beyində dopamin hormonunun ifrazını artırır. Bu isə insanda müvəqqəti nəzarət hissi yaradır və əhval-ruhiyyəni yaxşılaşdırır. Eyni zamanda alış-veriş zamanı ifraz olunan endorfin hormonu qısa müddətli stressin azalmasına kömək edir.

Lakin psixoloqlar xəbərdarlıq edir ki, alış-veriş emosional qaçış vasitəsinə çevrildikdə mənfi nəticələr yarada bilər. Bu hal həm günahkarlıq hissinə, həm də maddi çətinliklərə səbəb olaraq mənfi bir dövr formalaşdıra bilər.

Mütəxəssislər bildirir ki, alış-veriş həqiqətən insanı yaxşı hiss etdirə bilər, lakin bunun üçün proses şüurlu və nəzarətli şəkildə həyata keçirilməlidir.

Həmidə İbrahimova