Nəriman Həsənzadənin durumu necədir? - Köməkçisi danışdı
“Nərmin müəllimin vəziyyəti ağır-stabil olaraq qalır və hazırda Mərkəzi Klinikada reanimasiya şöbəsində müalicəsi davam edir”.
Bunu Ölkə.az-a açıqlamasında Xalq şairi Nəriman Həsənzadənin köməkçisi Arif Mehmandost deyib.
O bildirib ki, şairin müalicəsinə Azərbaycanın ən görkəmli və peşəkar həkimləri cəlb olunublar:
“Biz Mərkəzi Klinikanın rəhbərliyinə, baş həkiminə və orada çalışan bütün həkimlərə təşəkkürümüzü bildiririk. Onlar əllərindən gələni edirlər”.
A.Mehmandostun sözlərinə görə, Azərbaycan Prezidentinin köməkçisi, Heydər Əliyev Fondunun icraçı direktoru Anar Ələkbərov və mədəniyyət naziri Adil Kərimli daim xəstəxana ilə əlaqə saxlayaraq Nəriman Həsənzadənin durumu ilə maraqlanırlar: “Biz onlara təşəkkür edirik”.
Xatırladaq ki, 95 yaşlı N.Həsənzadə iyunun 26-da xəstəxanaya yerləşdirilib.
Həmidə İbrahimova
