Nizami Kino Mərkəzində “Qayıdış” filminin qala gecəsi baş tutub
Aprelin 14-də Nizami Kino Mərkəzində AF Mediya-Azərbaycan şirkətinin təqdim etdiyi “Qayıdış” milli filminin qala – gecəsi keçirilib.
Milli filmlər sırasına daxil olan filmin rejissoru Kənan MM, ssenari müəllifi İlqar Fəhmi, operatoru Nadir Mehdiyev, bəstəkarı Nailə Mirməmmədlidir. Kinolent faciəvi dram janrında çəkilib. Yaş həddi 12+
Xaricdə törətmədiyi cinayətə görə doqquz il həbsxanada yatan baş qəhrəman Cavad azadlığa çıxdıqdan sonra Vətənə qayıdır. Dostları ona, keçmiş nişanlısının tanınmış bankirə ərə getdiyini və xoşbəxt olduğunu deyirlər. Cavad ona ailə xoşbəxtliyi arzulayarkən həyat ona gözlənilməz sürpriz təqdim edir...
Filmdə baş rollara aktyorlar Kənan MM, Günəş Mehdizadə, Azər Aydəmir, Anar Heybətov, Əjdər Zeynalov və Samir Qulamov çəkiliblər .
Qala–gecəsində filmin rejissoru Kənan MM, baş rolları ifa edən aktyorlar və yaradıcı qrupun digər üzvləri iştirak edib.
Filmdən sonra, yaradıcı qrup tamaşaçılarla görüşmək üçün səhnəyə çıxıb.
Film haqqında daha ətraflı məlumatı Nizami Kino Mərkəzinin facebook səhifəsindən öyrənə bilərsiniz.