KORONAVİRUSA YOLUXANLARIN SAYI - CANLI STATİSTİKA

Küçəyə çıxan bu şəxslərin icazəsi olsa da, cərimələnəcək — FOTO

Küçəyə çıxan bu şəxslərin icazəsi olsa da, cərimələnəcək
18:50
04.07.2020
3540
Ölkə
A
Sərt karantin tətbiq edilən ərazilərdə fəaliyyət göstərən taksilər icaze-e.gov.az portalından qeydiyyatdan keçməlidir.

"Ölkə.Az" xəbər verir ki, bunu açıqlamasında Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib. Onun sözlərinə görə, bu həm hüquqi şəxsə, həm də şəxsi taksilərə aiddir: “Birincisi, istənilən taksinin fərqlənmə nişanı olmalıdır, bu vacibdir. Həmçinin həmin taksi sürücüsü və nəqliyyat vasitəsi barədə məlumatlar portala daxil edilməlidir. Yalnız bu prosesdən sonra həmin taksi fəaliyyət göstərə bilər”.

K.Əliyev bildirib ki, fəaliyyət göstərən taksilərdə şəffaf arakəsmələr olmalıdır: “Bəzi sürücülər yalnız iki qarşı oturacağın arasına sellofan çəkmələ işlərini bitmiş hesab edir. Amma bu belə olmamalıdır. Sürücü ilə sərnişinlər arasında tam şəffaf arakəsmələr olmalıdır. Əsas məsələ isə, taksidə sürücü və sərnişinlər qoruyucu maskalardan mütləq istifadə etməlidirlər. Əgər hər hansısa taksidə sürücü və sərnişində maska olmasa, həmin şəxs məsuliyyətə cəlb ediləcək. Sürücü və sərnişinin hərəkət etməyə icazəsi olsa da, maskasızdırsa, o cərimələnəcək”.(konkret.az)

ŞƏRH YAZ
0

Məktəblər açılsa, hansı şərtlərə əməl edilməlidir? — VİDEO

Məktəblər açılsa, hansı şərtlərə əməl edilməlidir?
23:53
06.08.2020
194
Ölkə
A
Əmək və Əhalinin Sosial Müdafiəsi Nazirliyi Dövlət Əmək Müfəttişliyi Xidməti yeni tədris ilindən məktəblər açılacağı təqdirdə təhsil müəssisələrində əməyin təhlükəsizliyinin hansı qaydalar əsasında təmin edilməsinin vacibliyini açıqlayıb.

Dövlət Əmək Müfəttişliyi Xidmətindən bildirilib ki, dərslərin başlanılması ilə bağlı qərar verilərsə, insanlar arasında məsafənin saxlanılması qaydasına riayət olunmalıdır.

Gigiyena qaydalarına əməl olunması da vacib şərtlərdəndir, iş yerlərində kifayət qədər dezinfeksiya və antiseptik vasitələrin olması, əllərin yuyulması üçün yerlərin çoxaldılması və əlyuma vasitələrinin yetərli sayda olması şərtdir.

İş yerlərinin və iş masalarının səthlərinin mütəmadi təmizlənməsi, qapı dəstəklərinin, kompüter avadanlıqlarının, tez-tez istifadə olunan digər əşyaların mütəmadi antiseptik materialla dezinfeksiya olunması, ümumi istifadədə olan otaqların, sanitariya qovşaqlarının dezinfeksiya olunması və s. nəzarətdə saxlanılmalı məsələlərdəndir:

"Həmçinin qeyd edək ki, işə cəlb olunmuş bütün işçilərin (müəllim və digər işçi heyətin) pandemiya şəraitində fərdi mühafizə vasitələrindən istifadə qaydalarına, öz vəzifələrini təhlükəsiz yerinə yetirmələrinə dair təlimatlandırılması rəhbərlik qarşısında əsas məsələlərdən biri olmalıdır.

Bildirilir ki, COVID-19 pandemiyası işçilərin və onların yaxınlarının qorunmasında əməyin mühafizəsinin önəmini bir daha təsdiqləyir. Pandemiya dövründə əməyin təhlükəsizliyi sahəsində sosial dialoqun (qeyd olunan məsələdə "məktəb - işçi heyət - valideyn - uşaq dialoqu") əhəmiyyəti böyükdür. Sosial dialoq yalnız bütün işçilərin fiziki və psixoloji sağlamlığının qorumasında deyil, pandemiyanın iqtisadiyyat və əmək sferasında mənfi nəticələrininin aradan qaldırılmasında da vacib şərtdir".

ŞƏRH YAZ
0

Azərbaycanlı həkimdən şad xəbər: Koronavirus yaxın vaxtlarda “yox” olacaq, — 1-2 ay...

Azərbaycanlı həkimdən şad xəbər: Koronavirus yaxın vaxtlarda “yox” olacaq,
22:41
06.08.2020
2244
Ölkə
A
Həkim professor Adil Qeybullanın sözlərinə görə, avqust ayında virusun zəifləməsi müşahidə olunacaq:

“Payız aylarının sonunda isə infeksiyanın yoxa çıxmasına şahid olacağıq. SARS və MERS viruslarının yayılması 6 ay vaxt almışdı. Lakin COVID-19 infeksiyasının 8-9 ay davam edəcəyi ehtimal olunur”.

Adil Qeybulla bildirib ki, ölkəmizdə ikinci dalğanın yayılmasından söhbət gedə bilməz: “Çünki birinci dalğa tamamilə bitməyib, deməli, ikinci dalğa baş qaldıra bilməz. Mən ikinci dalğanı güclü hesab etmirəm. İkinci dalğada virus zəifləmiş hesab olunacaq.

İstənilən halda, payız aylarında yuxarı tənəffüs yollarında olan digər infeksiyalar da fəallaşır. Bu da koronavirusun gedişini ağırlaşdıra biləcəyi üçün ikinci dalğa barədə xəbərdarlıq xarakterli informasiyalar var”. teleqraf

ŞƏRH YAZ
0
BAĞLA