"Ölkədə sabitliyin pozulmasına görə məsuliyyəti Hacıbala Abutalıbov daşıyır"

"Azərbaycanda stabillik pozulacaq və bütün məsuliyyət Hacıbala Abutalıbovun üstündə qalacaq"

Bir neçə gün öncə Milli Şura və Müasir Müsavat partiyası oktiyabrın 12-i saat 15:00-a "Məhsul" stadionunda eyni günə və eytni saata mitinq təyin etdilər. 

Hər iki təşkilat bununla bağlı Bakı Şəhər icra hakimiyyətinə mitinq keçirmək üçün müraciət etsə də şəhər meriyası Milli Şuraya mitinq keçirmək üçün icazə verib. Bu məsələni Müasir Müsavat partiyasının sədri Hafiz Hacıyev Ölkə.az-a şərh edib.

Hafiz Hacıyev: "Görünür hakimiyyətdə Azərbaycanda qarışıqlıq salmaq istəyən bəzi qüvvələr var. O qüvvələr ki, çalışırlar Azərbaycanda stabillik pozulsun və buna da nail oldular. Biz Milli Şuradan öncə Bakı şəhər icra hakimiyyətinə müraciət etmişdik amma çox təəsüf ki, Bakı şəhər icra hakimiyyəti müstəqil deyil, hardansa göstəriş alan qurumdur. Görünür Kərimov Əlinin tərəfdarları hakimiyyət daxilində daha çoxdur. Azərbaycanda stabilliyin pozulmasını istəyən qüvvələr Milli Şuraya üstünlük verdilər. Azərbaycanda dövləti müdafiə etmək, xalqın qayğısına qalmaq elə bil ki, cinayət kimi bir şeydir. Bizim hakimiyyətdə olan qüvvələrə Kərimov Əli, Cəmil Həsəli kimiləri lazımdır ki, onların dedikləri ilə oturub dursunlar.

Biz Milli Şuradan əvvəl icazə istəmişik, ancaq onlara icazə onlara veriblər, bizə yox. Bu, Azərbaycanda qanunların pozulmasıdır. Hakimiyyətin daxilindəki qüvvələrdən soruşuram, "nəyə görə, Hafiz Hacıyevə icazə vermədiz ki, ermənilərin Avropa Şurasında 46 nəfərin çıxışına etirazını bildirsin.Onun yerinə bir neçə gün öncə Azadlıq radiosunda ölkə başçısının əlehinə danışan Kərimov Əlinin mitinqinə icazə verdiniz?" Görünür hakimiyyətin daxilində kimlərəsə  sabitliyin pozulmasını istəyir ki, dövlət başçısının başı bu problemlərə qarışsın və bunlar da öz bildiklərini etsinlər.

Biz ikinci dəfə mitinqin keçirilməsi üçün hazılaşacağıq. Bu dəfə hakimiyyət daxilində ikili standarla işləyən qüvvələrin oyununu da ifşa edəcəyik, biz bunlara dözə bilmərik. Biz istəyirik Azərbaycanda stabillik pozulmasın, Azərbaycan xarici qüvvələrin diqtəsi ilə idarə edilməsin.

Çox yaxın zamanda Azərbaycanda ciddi mübarizəyə qalxacağıq. Azərbaycanda hamı görəcək ki, kim kimdir. Biz onlardan öncə icazə istədik ancaq onlar Milli Şuraya icazə verdilər. Bu özü Kərimov Əlinin hakimiyyətin adamı olmasının əyani sübutudur. Bakı şəhər icra hakimiyyətinin qərarından prezidentin xəbəri yoxdur. Heç kim istəməz ki, belə bir həssas dövrdə stabillik pozulsun. Stabilliyi pozmaq istəyən qüvvələr var, onlar hakimiyyətin daxilindədir və onlar buna nail oldular.

Bakı Şəhər icra başçısı Hacıbala Abutalıbov bilməlidir ki, 12 oktiyabr mitinqi ilə Azərbaycanda kütləvi aksiyaların bünövrəsinin qoyulma tarixi olacaq. Bu aksiyalar ardıcıl gedəcək. Onlar xarici təşkilatlara göstərəcək ki, bizim bazamız var, bunların pulunu çoxaldacaqlar, mitinqlər davam edəcək. Bunun nəticəsində də Azərbaycanda stabillik pozulacaq və bütün məsuliyyət Hacıbala Abutalıbovun üstündə qalacaq. Bu insanların əksəriyyəti dövlətə xəyanət etməkdən ötrü ölürlər".

Səxavət Məmməd

Ölkə.az