Mehriban Zeynalova seçicilərlə görüşüb
32-ci Suraxanı Üçüncü Seçki Dairəsindən deputatlığa namizəd Mehriban Zeynalova seçicilərlə görüşləri davam etdirir.
Ölkə.Az xəbər verir ki, növbəti görüş Əmircan qəsəbəsində yerləşən Mədəniyyət evində təşkil olunub. Seçicilər qarşısında çıxış edən Mehriban Zeynalova parlament seçkilərində iştirakının səbəblərindən danışaraq əsas məqsədin Suraxanı rayonu və bütünlüklə ölkənin problemlərinin həllinə yönəlik qərarların qəbulunda iştirak etmək olduğunu bildirib.
Meriban Zeynalovanın rəhbərlik etdiyi “Təmiz Dünya” Qadınlara Yardım İctimai Birliyinin fəaliyyətini əks etdirən videoçarxın nümayişindən sonra təbliğat kampaniyasının iştirakçıları - Laçın alayının keçmiş komandiri Arif Paşa, Vəkillər Kollegiyasını üzvü Ruslan Vəliyev, jurnalistlər İlhamə Novruzova və Ülkər Abdullayeva, namizədin vəkili Xankişi Xankişiyev çıxış edərək seçiciləri Mehriban Zeynalovaya səs verməyə çağırıb.
Görüşdə yerli sakinlər qarşılaşdıqları problemlərdən danışaraq namizədə suallar ünvanlayıblar.
Səxavət
Ölkə.Az
